ازاي نتعود اننا نحوش؟

تعالوا الاول نتفق علي كام مبدأ مهم عشان نعرف هنحوش ازاي.

ازاي نبتدي نحوش؟

إزاي تحصل على قرض شخصي يتناسب مع وضعك المالي

اول مبدأ:

عشان نتعود اننا نحوش لازم نوفر في كل حاجة بنعملها مش بس نوفر في الفلوس، ولازم نعلم اولادنا انهم يحافظوا على الموارد اللي حواليهم دايما. مثلا لما نستخدم المياه منسيبهاش مفتوحة طول الوقت ونقفل الحنفية بسرعة، لو مش قاعدين في مكان في البيت نطفي النور في المكان ده، ولما ناكل ناخد اكل في طبقنا علي قد استهلاكنا ومنرميش اكل في الزبالة، وهكذا.

ثاني مبدأ :

هو ان بند الادخار او التحويش يكون بند اساسي في استهلاك اموالنا، يعني زي ما بنخصص مبلغ للاكل والشرب واللبس والفسح كل شهر لازم نخصص مبلغ للادخار كل شهر حتى لو كان صغير. اكيد سمعنا قبل كده عن مبدأ 50-30- 20، وهو ان 50% من دخلنا الشهري نخصصه للمصروفات الضرورية، 30% للمصروفات او الظروف المتغيرة او الطارئة و20% للادخار يعني منفكرش نصرفهم خالص، طبعا ده الوضع المثالي اللي اوقات كثير بيبقي صعب يتحقق بس الاهم هو ان بند الادخار يكون اساسي كل شهر مش بس لما يجيلي فلوس زيادة او مش عامل حسابها.