ما هي أنواع البطاقات والفرق بينهم ؟

بقابل ناس كتير متعلمين وبيشتغلوا في اماكن مرموقة وبيقولوا على بطاقات الائتمان "فيزا مشتريات"، وبما اني بشتغل في التثقيف المالي، اسمحولي بكلام بسيط اعرف الفرق بين البطاقات وانواعها.

ازاي نتعود اننا نحوش؟

ازاي نبتدي نحوش؟

في ٣ انواع بطاقات، وكلهم ينفع نشتري بيهم من خلال ماكينات نقاط البيع POS او اونلاين او نسحب بيهم كاش من ماكينات الصراف الألي ATM:

• بطاقة ائتمان CREDIT CARD (ودي اكن البنك بيسلفك فلوس وتردها بعدين) 
• بطاقات الخصم المباشر DEBIT CARD (ودي بتبقي مربوطة بحسابك في البنك، فلما بتستخدمها اكنك سحبت من حسابك)
•  البطاقات المدفوعة مقدما PREPAID CARD (ودي بتبقي زي كارت الشحن لازم نحط فيها فلوس الاول وبعدين نستخدم الفلوس اللي في البطاقة)

اما بالنسبة للشركات اللي بتصدر البطاقات فهم ٣ شركات:

•  شركة فيزا VISA (بتصدر كل انواع البطاقات اللي شرحناها فوق وممكن استخدامها في اي مكان في العالم. طبعا بما انها كانت اول شركة تصدر بطاقات بلاستيكية فاسمها بقي هو الاسم الدارج لاي بطاقة بلاستيكية حتي الان)
•  شركة ماستر كارد MASTER CARD (بتصدر كل انوع البطاقات وممكن استخدامها في اي مكان في العالم)
•  بطاقات ميزة MEEZA (ودي شبكة المدفوعات المحلية، اللي بتسهل عمليات الدفع داخل مصر باسعار قليلة جدا،
• وفي بطاقات ميزة مدفوعة مقدما وبطاقات خصم مباشر فقط لحد دلوقتي، بطاقة ميزة بتستخدم داخل مصر حاليا لكن قريب ان شاء الله هنقدر نستخدمها في بلاد تانية)